Гўсфандони зоти қароқўлӣ— ба гурўҳи гўсфандони пўстдиҳанда мансуб буда, пўсти нисбатан арзишнок медиҳанд. Пашмашон дурушт, қиёсан зич ва дароз (12-17 см) бо сохти кокул мебошад.
Тароши пашми мешҳо 2,6 кг, аз они қўшқорҳо – 2,8 кг, дар гўсфандони беҳтарин бошад, мутаносибан 3,5-4.5 кг-ро ташкил медиҳад. Баромади нахи тоза ба 75-80% мерасад.
Пашми гўсфандони зотӣ қароқўлӣ дар саноат барои истеҳсоли моҳут ва қолин ба кор бурда мешавад.
Дар подаҳои зотӣ вазни зиндаи гўсфандон ба ҳисоби миёна чунин аст: барраҳои мода ҳангоми таваллуд ба 3,8-4,5 кг, нарбарраҳо 5-5,2 кг дар синни 4-5 моҳа мутаносибан ба 28 ва 34 кг, 18 моҳа 35-40 кг мешҳои болиғ 45-48, қўшқорҳо 60-65 кг, беҳтаринҳо то 65-76 кг мерасад. Насловарии зоти мазкур 105-110 барра ба 100 сар меш мебошад.
Гўсфандони қароқулӣ пўсти зебо, устувор ва хеле ҳам арзишноки бо рангу тобиш ва нақшҳои гуногун дошта, маҳсулоти асосии онҳо ба ҳисоб меравад.
Аз ҳамаи намудҳои ранг бештар ҳайвонҳо бо ранги сиёҳ, ки зиёда аз 78%-и гўсфандони қароқўлиро ташкил медиҳанд, паҳн гаштаанд.
