Олимону кормандони Институти чорводорӣ ва чарогоҳи Академияи илмҳои кишоварзии Тоҷикистон низ дастаҷамъона тариқи телевизион баромади пурмуҳтавои сарвари давлатро тамошо карданд. Ба ҳозирин андешаҳои пешвои миллат Эмомалӣ Раҳмон атрофи рушди соҳаи илму маориф, раванди илмомӯзӣ ва пешбурди технология, забономӯзӣ, ҷалби наврасон ба илму технологияи муосири ҷаҳонӣ писанд омад.Таъкид шуд, ки тайи солҳои Истиқлолият шумораи мактабҳои таҳсилоти умумӣ афзуда, баргузории озмунҳои “Фуруғи субҳи доноӣ”, “Тоҷикистон ватани ман”, “Илм фуруғи маърифат” боиси эҳёи илму бозёфти истедодҳои нав гардид. Ба нақши омӯзгор, муаллим дар рушду пешрафти илм, тарбия ва ҷомеа баҳои баланд дода шуд.
Агар дар ҷаҳон набувад омӯзгор,
Шавад тира аз бехирад рӯзгор.
