Семинари илмӣ-амалии минтақавии мазкур тибқи қарори Раёсати Академияи илмҳои кишоварзии Тоҷикистон аз 31.01.2024. №4, 12- уми сентябри соли 2024 дар толори маҷлисгоҳи Институти чорводорӣ ва чарогоҳи АИКТ, дар мавзуи “Нигоҳ доштани захираҳои ирсии гӯсфандони зоти тоҷикӣ” баргузор гардид. Дар семинари мазкур зиёда аз 50 нафар олимону мутахассисони соҳаи чорводорӣ, ветеринарӣ, намояндагони Вазорати кишоварзии Ҷумҳурии Тоҷикистон, Академияи илмҳои кишоварзии Тоҷикистон, Донишгощи аграрии Тоҷикистон ба номи Шириншоҳ Шоҳтемур, Агентии таъминоти амволи махсуси назди Ҳукумати Ҷумҳурии Тоҷикистон, Кумитаи бехатарии озуқавории назди Ҳукумати Ҷумҳурии Тоҷикистон ва намояндагони шаҳру ноҳияҳои тобеи марказ иштирок намуданд.
Мақсади баргузории Семинари илмӣ-амалии минтақавӣ — дар доираи дастуру супоришҳои ҳамешагии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба таъмини рушди минбаъдаи соҳаи чорводорӣ, афзунгардонии саршумор ва истеҳсоли маҳсулоти соҳа ҷиҳати таъмини амнияти озуқаворӣ, инчунин муарифии дастовардҳои илмию истеҳсолӣ ва пешниҳоду тавсияҳои илман асоснок оид ба беҳтар намудани зотӣ чорво мебошад.
Дар қисми назариявӣ олимону мутахассисон оид ба амалӣ намудани ҳолати имрӯзаи соҳаи гӯсфандпарварӣ дар Ҷумҳурии Тоҷикистон, нигоҳ доштани иқтидори ирсии гӯсфандони зотӣ тоҷикӣ, рушди соҳаи гӯсфандони зотӣ тоҷикӣ дар хоҷагиҳои зотпарварӣ, такмил додани қобилияти такрористеҳсолкунии гӯсфандони зоти тоҷикӣ, бо истифода аз усулҳои афзоишдиҳии байниавлодӣ ва пешгирӣ аз табобати касалиҳои гиҷҷавӣ дар парвариши гӯсфандон гузоришҳои илмӣ намуданд.
Бо дар назардошти фикру мулоҳизаҳои иштироккунандагон дар ҷамъбастии семинар якқатор қарорҳо қабул карда шуд.
